Шомуродов дубль қайд этган ўйинда унинг ҳаракатлари қандай баҳоланди?

Туркия Суперлигасининг 31-туридан ўрин олган баҳсда "Истанбул Башакшеҳир" ўз уйида "Касимпаша" жамоасини 4:0 ҳисобида таслим қилди.

Эътиборлиси, мазкур ўйинда Элдор Шомуродов дубль қайд этиб, "Башакшеҳир"нинг ғалабасига катта ҳисса қўйди.

Учрашувдан сўнг бир қатор статистик порталлар футболчининг ҳаракатларини баҳолади. Унга кўра, "Fotmob" вакилимизни 8.8 баллга лойиқ кўрган бўлса, "Sofascore" 8.6 балл қўйди. Шунингдек, "Flashscore" эса 8.3 балл билан баҳолади.

Маълумот учун, айни пайтда тўпурарлар пойгасида у 20 та гол билан иккинчи ўринда бормоқда.