Роналдунинг футболкаси қолмади

“Манчестер Юнайтед”га қайтган Криштиану Роналдунинг футболкаси бўлган талаб кун сайин ортиб бормоқда. Клуб ҳамкори  - Adidas компанияси пандемия шароитида португалиялик футболчининг номи ва рақами туширилган спорт кийимларини етарли даражада тайёрлаб, етказиб беришга улгурмаяпти.

- Биз “Манчестер Юнайтед” билан анчадан бери ҳамкорлик қиламиз. Шунинг учун уларнинг юқор талабини ҳам қондиришга ҳаракат қиляпмиз. Клуб Криштиану Роналду билан шартнома имзолаганидан кейин унинг формасига талаб ниҳоятда ошиб кетди. Бироқ, айрим маҳсулотларга чеклов борлигини инобатга олиш лозим, - деб баёнот берди Adidas компанияси.

Эслатиб ўтамиз, Англия премьер-лигаси Роналдунинг футболдаги мавқеини инобатга олиб, “Манчестер Юнайтед”га аслида Эдинсон Каванига тегишли бўлган 7-рақамни топширишга рухсат берди.

Шунингдек, уругвайлик ҳужумчи ҳам янги жамоадошига рақамини беришга рози бўлди.