Темур Кападзе "Нефтчи" иштирокидаги ўртоқлик ўйинига ташриф буюрди
Jahongir Inomjonov
Мураббий ўйинни майдондан томоша қилмоқда
Хабарингиз бор, январь ойида Ўзбекистон миллий терма жамоаси бош мураббийи Сречко Катанец соғлиғидаги муаммолар сабабли ўз лавозимини тарк этган эди. Унинг вазифасини эса ёшлар терма жамоасини Олимпия ўйинларга олиб чиққан Темур Кападзе давом эттирадиган бўлди.
Терма жамоа мураббийи бугун Анталиядаги ўртоқлик ўйинига ташриф буюрди. Мазкур беллашувда Фарғонанинг "Нефтчи" жамоаси Грузиянинг "Колхети" клубига қарши майдонга тушди.
Маълумот учун, "Нефтчи" таркибида терма жамоамизнинг уч футболчиси тўп тепмоқда: Ботирали Эргашев, Фарруҳ Сайфиев ва Жамшид Искандеров. Бу рўйхатга жамоа кўригида бўлиб турган Бобир Абдихолиқов ҳам қўшилиши мумкин.
Изоҳлар (0)