Toshkentda ITKF karate-do bo‘iycha Osiyo chempionati bo‘lib o‘tdi. G‘oliblar bilan tanishing!

Joriy yilning 20-21 noyabr kunlari Toshkent shahri ITKF karate-do bo‘yicha Osiyo chempionatiga mezbonlik qildi.

Ko‘tarinki kayfiyatda o‘tgan ushbu turnirda 10 dan ortiq mamlakat vakillari ishtirok etdi. Quvonarlisi, bir qator hamyurtlarimiz Osiyo chempioni degan nomga sazovor bo‘ldi.

Jumladan, kumite bahslarida Akmal Mamadiev, Ali Bahtiyorov, Fazliddin Faxriddinov, Bekmurod Mirsaliev, Sh. Shodmonov, Sh. Sherinboev, Bekzod O‘ktamov, Shohruz Alixonov, Sanjar Xusinboev, Mehroj Jalolov, Saidaziz Saidov, Ramazon Rizqiddinov, Shahriyor Sottiev, S.Seydametov, Alisher Egamnazarov, Gavhar Nurieva, Muslima Tosheva, Kamola Mirodilova, Sh.Ziyodullaeva, Nodira Temirova, O‘ljan Shermuhammedova, Zarina Rustamova, O. Shodiyorova, Muslima Kuanishboeva, Bahora Nabijonova, Mushtariy Muxtorova, Durdona Xoljo‘raeva, I. Seytmuratova, Xadicha Siddiqova, Umida Xolbo‘taeva oltin medalni qo‘lga kiritib, Osiyo chempioni degan nomga sazovor bo‘ldilar.

Shuningdek, kata bahslarida ham ko‘plab vakillarimiz o‘zini har tomonlama ko‘rsatib, g‘olib va sovrindorlar qatoridan joy oldi.

Yana bir ahamiyatga molik tomoni, hakamlar AQSh, Jazoir, Misr, Quvayt kabi ushbu sport turi rivojlangan mamlakatlardan taklif etildi. Umuman olganda ushbu qit’a birinchiligi barchada birdek iliq taassurot qoldirdi.