УЕФА Англия терма жамоасини жиддий жазога тортди
Тартибсиз мухлислар касрига бошқа мухлислар жабр кўрадиган бўлди.
УЕФА Англия терма жамоасини иккита ўйинни томошабинларсиз ўтказиш билан жазолади.
Инглиз жамоаси жорий ёз Лондондаги "Уэмбли" стадионида Италияга қарши бўлиб ўтган Евро-2020 финал учрашувидаги тартибсизликлар учун жазоланди.
Ўйин давомида юздан зиёд чиптасиз инглиз мухлислари стадионга бостириб кириб, полиция ва бошқарувчилар билан тўқнашувни келтириб чиқарди.
Англия футбол ассоциациясига (FA) қарши санкциялар стадион ичида ҳам, унинг ёнида ҳам тартибни сақламаганлиги учун қўйилган.
Шунингдек, FA бегона одамларнинг майдонга тушгани, мухлислар майдонга турли нарсалар улоқтиргани ва давлат мадҳиялари ижро этилаётган пайтда юзага келган тартибсизликлар учун 100 минг евро миқдорида жаримага тортилди.
Изоҳлар (0)