UFC нинг супер афсонаси курашдаги фаолиятини якунлади

UFC собиқ чемпиони Брок Леснар курашдаги фаолиятини якунлади.

У – MMA оламидаги таниқли шахслардан бири бўлиб, UFC даги ютуқлари билан ажралиб туради.

Леснар аралаш яккакурашлар оламига кириб, қисқа вақт ичида чўққини забт этган жангчидир.

Брок промоушендаги учинчи жангида афсонавий Ренди Кутюрни иккинчи раундда техник нокаутга учратиб, чемпионга айланганди. Шунингдек, у 1 миллиондан ортиқ пуллик трансляцияларни (PPV) тўплай олган биринчи UFC жангчиси ҳисобланади. "UFC 100" турнирида Френк Мир билан реванш 7 йил давом этган 1.6 миллион PPV рекордни ўрнатди.

Маълумот учун, 2022 йилда Брок Леснар UFC шон-шуҳрат залига киритилган.