"Ювентус" 21 ёшли ҳимоячини жамоада сақлаб қолмоқчи

Туриннинг "Ювентус" клуби Португалия термаси ҳимоячиси Ренату Вейгага бўлган режаларини ўзгартирмаган. Италияликлар 21 ёшли футболчини тўлиқ сотиб олиш ниятида ва яқин ҳафталарда "Челси" билан тўғридан-тўғри музокаралар ўтказишни режалаштирмоқда.

Вейга жорий йилнинг январь ойида "Ювентус"га ижара асосида келган ва бу вақт ичида клуб мураббийлари ишончини қозона олган. У жамоа сафида 9 та учрашувда майдонга тушиб, бир марта сариқ карточка олди.

Португалиялик ҳимоячига бошқа клублар ҳам қизиқмоқда

Маълумотларга кўра, Вейгага яна учта клуб қизиқиш билдирмоқда. Бироқ, унинг амалдаги клуби — "Челси" ҳозирча футболчининг келажаги бўйича аниқ қарорга келмаган. Transfermarkt портали португалиялик марказий ҳимоячини 18 миллион еврога баҳолаган.