Ла лигада бир мавсумда энг кўп очко жамғарган жамоалар ТОП-10

27 ноябрь, 2016, 21:08
0
Футбол

Испания чемпионатининг дастлабки турларида "Реал" ва "Барселона" кутилганидан кўпроқ очко йўқотишди. Охирги мавсумларда мазкур икки гранд жамоа рекорд даражаадаги очколарни тўплаб келишаётган эди. Биз Ла лига тарихида энг кўп очко тўплаган клублар ўнлиги ҳақида тўхталиб ўтишни жоиз деб топдик.

10-11. "Барселона" 91 очко
Каталониянинг "Барселона" жамоаси 2011/12 йилги мавсумда чемпионатда 91 очко тўплади. Бироқ жамоа ўша мавсумда кумуш медаллар билан чекланган. Айнан ўша мавсумдан кейин Гвардиола "кўк-анорранглилар"ни тарк этган эди.

10-11. "Барселона" 91 очко
Орадан 4 йил ўтгач шунча очко "Барса"га чемпион бўлиш учун кифоя қилди. Шу тариқа Луис Энрике шогирдлари кетма-кет иккинчи марта ла лигада зафар қучишди.

7-9. "Реал Мадрид" - 92 очко
1996/97 йилги мавсумда "Реал" 42 ўйинда 92 очко тўплаб, чемпион бўлди. Бу натижа ўша пайтда мутлоқ рекорд эди.

7-9. "Реал Мадрид" - 92 очко
2010/11 йилги мавсумда "Қироллик клуби" бу сафар 38 ўйинда 92 очко тўплади. Афсуски ушбу очколар Жозе Моуриньо бошқарган жамоага чемпионлик учун камлик қилди.

7-9. "Реал Мадрид" - 92 очко
2014/15 йилги мавсумда Мадридликлар яна 92 очко тўплашди. Энг қизиғи бу сафар ҳам клуб иккинчи ўрин билан чекланишга мажбур бўлди.

6. "Барселона" - 94 очко
"Реал" 92 очко билан кумуш медал олган 2015 йилги мавсумда "Барселона" 2 очко кўп жамғарган ҳолда олтин медалларга эга чиққан эди. Бу Луис Энрикенинг илк чемпионлиги эди.

4-5. "Реал Мадрид" - 96 очко
2009/10 йилги мавсумда бечора "Реал" 96 очко билан ҳам чемпион бўла олмаган ҳолда, бу борадаа ўзига хос антирекорд ўрнатган. Пелегрини шогирдларига 1-ўринни эгаллаш учун 3 очко камлик қилганди.

4-5. "Барселона" - 96 очко
Орадан бир йил ўтгач Каталонияликлар айнан 96 очко билан чемпионлик шохсупасига кўтарилишган. Бироқ бу ҳали "Барса" учун рекорд натижа эмас эди.

3. "Барселона" - 99 очко
"Реал" 96 очко билан 2-ўринни эгаллаган 2009/10 йилги мавсумда шохсупага "Барселона" кўтарилган. Каталонияликлар ўшанда 99 очко жамғаришган.

1-2. "Реал Мадрид" - 100 очко
2011/12 йилги мавсумда Жозе Моуриньо бошқарувидаги Мадриднинг "Реал" клуби асосий тақибчиси "Барселона"ни 9 очко ортда қолдириб чемпион бўлди. Аҳамиятли жиҳати "галактикос" Ла лигада 100 очко тўплаган илк жамоага айланган эди.

1-2. "Барселона" - 100 очко
Орадан бир йил ўтгач Каталониянинг "Барселона" жамоаси ана шу рекордни такрорлади. "Кўк анорранглилар" ўша мавсумда Моуриньонинг "Реал"ини 15 очкога орқада қолдиришганди.

Фурқат Юсупов тайёрлади