"Барселона" 280 миллионлик катта келишувга эришди

"Барселона" янги титул ҳомий билан келишувга эришди. Унга кўра "Spotify" энди клуб либосида кўриниш беради.

"Diario Sport" нашри тарқатган хабарга кўра, бугун томонлар расман шартнома имзолайди. Аммо "Spotify" ёзуви келаси мавсумдан эътиборан "кўк-анорранглилар" либосига жойлаштирилади. 3 йиллик битим учун каталонияликлар 280 миллион евро ишлаб олади.

Бунгача "Барселона" Япониянинг "Rakuten" компанияси билан ҳамкорлик қиларди. "Spotify" шунингдек, "Камп Ноу" номига эгалик қилиш ҳуқуқини ҳам қўлга киритади.

Аввалроқ, "Барса" мусиқа компаниясидан йилига 57 миллион евро атрофидаги маблағни ишлаб топиши хабар қилинганди.