Эхсони Паншанбе "Навбаҳор"ни тарк этиб, Эрон чемпионатига йўл олди!

Тожикистон миллий терма жамоаси ҳамда “Навбаҳор” клуби ярим ҳимоячиси – Эхсони Паншанбе фаолиятини бошқа жамоада давом эттиришга қарор қилди.

2020 йилдан бери наманганликлар шарафини ҳимоя қилиб келган легионерга хориждан бир қатор таклифлар келиб тушди. Якунда Эроннинг “Зоб Ахан” жамоаси билан музокаралар ижобий якун топган ҳолда Паншанбе ушбу таклифга розилик билдирди.

Бу йилги мавсумда у “Навбаҳор” сафида Суперлигада 7 та учрашувда майдонга тушди. Илгари жамоанинг асосий таркиб ўйинчиси бўлган ярим ҳимоячи бу йил Самвел Бабаян бош мураббийликка келганидан кейин захира ўйинчисига айланиб қолди.