Иско Чемпионлар лигаси тарихига ноодатий рекорд билан кирди

«Бетис» клуби ярим ҳимоячиси Иско сешанба куни «Лилль»га қарши Чемпионлар лигаси учрашувида майдонга тушиб, мусобақа тарихига кирди. 

Футбол статистикаси бўйича мутахассис Алексис Мартин-Тамайо, кенг жамоатчиликка мистер Чип номи билан танилган журналистнинг маълум қилишича, Иско Чемпионлар лигасида бир мамлакатнинг бешта жамоаси шарафини ҳимоя қилган илк футболчига айланди.

Испаниялик футболчи бу нуфузли турнирда «Валенсия», «Малага», «Реал», «Севилья» ва «Бетис» таркибида ўйнашга улгурган.

Бундан аввал бир қатор футболчилар бир мамлакатда тўртта турли клуб сафида Чемпионлар лигасида майдонга тушган эди. Ушбу рўйхатдан Эрнан Креспо, Стефан Дальма, Хатем Бен-Арфа, Бурак Йилмаз ва Рахим Стерлинг ўрин олган.

Эслатиб ўтамиз, «Бетис» сафарда «Лилль» устидан 3:2 ҳисобида ғалаба қозонди.