Холанд Чемпионлар Лигаси тўпурарлари рўйхатида юқорилади: 59 ўйинда 59 гол!

«Манчестер Сити» ҳужумчиси Эрлинг Холанд Чемпионлар лигаси тарихида энг кўп гол урган футболчилар рўйхатида еттинчи ўринга кўтарилди.

У «Порту»га қарши умумий босқичнинг 1-туридаги учрашувда (2:0) дубль қайд этди. Шу билан норвегиялик форвард УЕФАнинг асосий клуб мусобақасида 59-ўйинда 59-голини урди.

Шу тарзда Холанд Томас Мюллерни ортда қолдирди. «Бавария» афсонаси 163 ўйинда 57 та гол урган. 

Холанддан олдин эса қуйидаги снайперлар жойлашган: 71 тадан голга эга Рауль ва Килиан Мбаппе, 90 гол билан Карим Бензема, 109 гол билан Роберт Левандовски, 129 гол билан Лионель Месси ва рекордчи – 140 гол билан Криштиану Роналду.

Бу футболчилар орасида Эрлинг Холанддан ташқари фақатгина Килиан Мбаппе Чемпионлар лигасидаги иштирокини давом эттирмоқда.