Timur Kapadze: "Har doim birinchi o‘yinlar qiyin kechadi"

Osiyo kubogi 2-turidan o‘rin olgan Quvayt - O‘zbekiston bahsi bo‘lib o‘tdi. Mazkur bellashuvda hamyurtlarimiz 5:0 hisobida raqibdan ustun keldi. Uchrashuvdan so‘ng Timur Kapadze matbuot anjumanida ishtirok etdi. 
"Barchani bugungi g‘alaba bilan tabriklayman. Muhim o‘yinda 3 ochkoni qo‘lga kiritdik. Qo‘llab-quvvatlagan barcha muxlislarimizga rahmat aytaman.

O‘tkazilgan 2 o‘yinning farqi
Har doim birinchi o‘yinlar qiyin kechadi. Bugun ham oson o‘yin bo‘lgani yo‘q. Raqib himoyada yaxshi harakatlandi. Biroq biz ham etarlicha qarshilik ko‘rsatib g‘alaba qozondik. Endilikda keyingi uchrashuvlarga e’tiborimizni qaratib, tayyorgarlikni davom ettirishimiz kerak. 

Vetnamga qarshi o‘yin va keyingi bosqich haqida
Biz uchun har bir o‘yin muhim. Barcha futbolchilar o‘yinga tayyor bo‘ladi. Ishlashda va tayyorgarlik ko‘rishda davom etamiz.  

Keyingi bosqichda kim bilan o‘ynashimiz - buni albatta vaqt ko‘rsatadi. Nasib bo‘lgani bo‘ladi. Bizning o‘z maqsadimiz bor, shu yo‘lda tayyorgarlikni davom ettiramiz", - dedi termamiz ustozi.