Ҳикмат Эргашев: "Бу билан ҳаёт тўхтаб қолмайди"

Ўзбекистон Кубоги гуруҳ босқичининг сўнгги учрашувида ОКМК клуби ўз майдонида “Бухоро”ни қабул қилди. Бу беллашувда 2:2 ҳисоби қайд этилди ва олмалиқликлар гуруҳда қолиб кетдилар. Ўйиндан кейин ОКМК мураббийи Ҳикмат Эргашев қисқача шундай деди:

- “Бухоро” жамоасини кейинги босқичга чиққани билан табриклайман. Футболда шундай қоида бор: сен урмасанг, сенга уришади. Худди шу ҳолатда биз гол уришимиз керак эди, аммо охирги сонияларда гол ўтказиб юбордик. Бу билан ҳаёт тўхтаб қолмайди. Энди ҳамма эътиборимизни ички чемпионатга қаратамиз.