Ўзбекистонлик ҳакамлар бошқарган ўйинда "Қизилқум" дуранг ўйнади

Анталияда йиғин ўтказаётган “Қизилқум” клуби навбатдаги ўртоқлик учрашувини ўтказди. Бу сафарги спарринг-рақиб Грузиянинг “Самгурали” жамоаси бўлди.

Мазкур ўйинни ўзбекистонлик ҳакамлар бригадаси бошқариб борди. Шавкат Насибуллаев асосий рефери сифатида ишлади.

Ўйинда иккала жамоа ҳам эҳтиёткорлик билан ўйнади. Албатта, хавфли вазиятлар бўлди. Гоҳида эса дарвозабонлар маҳоратини кўрсатди. “Қизилқум” таркибида Фарҳод Бекмуратов, Дилшод Комилов, Файзулла Жуманқўзиев сингари футболчилар анча фаоллиги билан ажралиб турдилар.

Гарчи жамоалар гол уришга уринишмасин дарвозалар дахлсиз қолди.

“Қизилқум” – “Самгурали” – 0:0.

14 февраль. Анталия. “Кремлин” майдони.

Ҳакамлар: Шавкат Насибуллаев, Максим Нехочин, Ислом Носиров

Захира ҳаками: Найим Қосимов.

“Қизилқум”: Санжар Қувватов, Душан Мийич, Илҳом Ваҳобов, Шахзод Раҳматуллаев, Жаба Жигаури, Диёр Раҳматуллоев, Дилшод Комилов, Фарҳод Бекмуратов, Алан Машович, Никола Кумбурович, Роман Папарига.

Иккинчи бўлимда майдонга тушганлар: Фарҳод Раҳматов, Муродали Усмонов, Файзулла Жуманқўзиев, Султон Раҳматов, Даврон Анваров, Илҳом Кенжаев.