Анчелоттининг кетиш муддати маълум бўлди

Карло Анчелотти яқин кунларда "Реал Мадрид"нинг бош мураббийлик лавозимидан бўшатилади.

"Sky Sports" хабарига кўра, италиялик мутахассис "Барселона"га қарши Испания кубоги финалидан сўнг клубни тарк этади. Кубок учун финал учрашуви 26 апрель куни бўлиб ўтади.

Бу ўйин Анчелотти учун "қаймоқранглилар" бошқарувидаги сўнгги баҳс бўлиши кутилмоқда. Аввалроқ, "Реал" Чемпионлар лигасидан чиқиб кетганидан кейин, Анчелотти клубда ўзгаришлар бўлиши мумкинлигини тан олган эди.

Италиялик мураббий ёзда ўтказиладиган клублар ўртасидаги жаҳон чемпионатида "Реал" билан бўлишини аниқ айтмади. Бундан олдин Карло ўз ташаббуси билан клубни тарк этмоқчи эмаслигини бир неча бор таъкидлаган эди.