Томоша кўрсатишни бас қил! Анчелотти бразилиялик юлдузни кескин танқид қилди

Испания чемпионатининг 33-тури доирасида ўтказилган учрашувда амалдаги чемпион “Реал” сафар учрашувида “Хетафе”ни кичик ҳисобда таслим қилди.

Учрашувдаги ягона голни туркиялик легионер Арда Гюлер 21-дақиқада киритди.

Беллашувдан кейин мадридликлар бош мураббийи бошланғич таркибда майдонга тушган Эндрикнинг ўйинидан қониқмаганини кўрсатиб, 18 ёшли футболчини кескин танқид қилди.

- Эндрик кучлироқ бўлишга ҳаракат қилиши керак. Томоша кўрсатишни кераги йўқ. Футбол театр эмас. У ҳали ёш, шунинг учун ҳам кўп нарсани ўрганиши шарт, - деди Карло Анчелотти.

Маълумки, “Реал”нинг асосий ҳужумчиларидан Килиан Мбаппе жароҳати туфайли жамоага ёрдам бера олмаяпти. Карло Анчелотти шу боис Эндрикни илк дақиқалардан ўйнатган эди. Бразилиялик футболчи самарали ҳаракатларни амалга ошира олмади, биринчи бўлимда гол уриш учун яратилган қулай вазиятни барбод қилди. Бунинг оқибати Эндрик 64-дақиқада ўйиндан олинди.