Камолиддин Тожиев: "Намойиш этилган футболдан қониқмадим"

Ўзбекистон Кубоги нимчорак финалида "Пахтакор "Олимпик Мобиуз"ни 2:1 ҳисобида мағлубиятга учратди ва кейинги босқичга йўл олди.

Учрашувдан кейин "Пахтакор" устози Камолиддин Тожиев баҳс хусусида фикрларини айтиб ўтди. Бу хусусида клуб матбуот хизмати маълум қилди.

"Йигитларга беллашувга иштиёқ билан тушиш кераклигини таъкидладик, аммо барибир бу етарли бўлмади. Бундай ҳолатда ўйин яхши чиқмайди. Тажриба эвазига вазиятлардан фойдаландик ва чорак финалга чиқдик. Намойиш этилган футболдан қониқмадим. Кейинги босқичда кимга тўғри келсак ҳам фарқи йўқ. Майдонга тушамиз ва ўйнаймиз.

Алижоновда кичик жароҳат борлиги сабабли аввалги ўйинда майдонга тушмади. Кейинги беллашувга тўлиқ тайёр бўлади".