Эрон клуби Ўзбекистон терма жамоасининг яна бир аъзосини ўз сафига қўшиб олмоқчи

Бироз аввал Ўзбекистон терма жамоаси ва "Пахтакор" ҳимоячиси Ҳожиакбар Алижонов "Персеполис" билан келишувга эришгани ҳақида хабар берган эдик.

Сўнгги хабарларга кўра, Теҳроннинг яна бир гранди "Истиқлол" Игорь Сергеевни ўз сафига қўшиб олмоқчи. "Кўклар" устози вакилимизни жамоасида кўрмоқчи.

Эслатиб ўтамиз, Сергеев Суперлиганинг биринчи даврасида 11 та гол урган ҳолда тўпурар бўлиб турибди. Бундан ташқари, "шерлар" яқинда терма жамоамизнинг бошқа бир аъзоси Бобир Абдихолиқовни ўз сафига қўшиб олган эди.