Арне Слот Жотанинг вафотига изоҳ бериб, унинг оиласига ҳамдардлик билдирди

"Ливерпуль" бош мураббийи Арне Слот Диогу Жотанинг автоҳалокатда ҳалок бўлиши ҳақида фикр билдирди:

"Нима дейиш мумкин? Шок ва оғриқ ҳали шунчалик кучли бўлган пайтда қандай сўз топиш мумкин? Керакли сўзларни айтишни истардим, аммо бунинг уддасидан чиқа олмаслигимни биламан. 
 
Менда фақат ҳис-туйғулар бор, холос. Бу туйғуларни биз жуда севган инсон ва футболчига ҳамда биз учун ғоят азиз бўлган оилага нисбатан кўпчилик бошдан кечираётганини англайман. 
 
Менинг дастлабки фикрларим футбол мураббийсининг ўйлари эмас. Бу ота, ўғил, ака ва тоғанинг мушоҳадалари бўлиб, улар тасаввур қилиб бўлмас йўқотишни бошдан кечирган Диогу ва Андре Силва оиласига қаратилган. 
 
Уларга айтмоқчи бўлган гапим жуда оддий: сиз ҳеч қачон ёлғиз қолмайсиз. "Ливерпуль" футбол клуби ўйинчилари, ходимлари, мухлислари - барчаси сиз билан бирга. Бугун кўрганларимдан келиб чиқиб, кенг футбол оиласи ҳақида ҳам худди шундай дейиш мумкин" – деди "Ливерпуль" бош мураббийи.