Морейра ва Жонатан Лукка "Пахтакор"дан кетди

"Пахтакор" жамоаси Педру Морейра билан шартнома тугатилганини эълон қилди. 

"Педру Морейра ва унинг мураббийлар штаби билан ҳамкорлик тўхтатилди.

Португалиялик мураббий Педру Морейра ҳамда унинг беш нафар ёрдамчилари билан ҳамкорлик икки томон келишуви асосида бекор қилинди. Биз ушбу мутахассисларнинг клубда олиб борган фаолияти учун миннатдорчилик билдириб, уларнинг келаси ишларида омад тилаймиз.

Шунингдек, ярим ҳимоячи Жонатан Лукка билан шартнома ҳам бекор қилинди. У оғир жароҳат сабабли май ойида сафдан чиққанди", дейилади клуб матбуоти хабарида.