“Арсенал” супертўпурар трансферини ҳал қилди

Англия Премьер-лигасида чемпионлик учун курашишни мақсад қилган “Арсенал” таркибини Европа футболининг энг сермаҳсул ўйинчиларидан бири билан кучайтирадиган бўлди.

Фабрицио Романонинг маълум қилишича, “канонирлар” Португалия чемпионатида порлаётган швед ҳужумчиси Виктор Дьёкерешни Лондонга кўчиб ўтишга кўндирган ва шахсий шартнома шартларини келиб олган.

Манбага кўра, “Спортинг” форварди билан ҳамкорлик битими 2030 йилнинг ярмигача имзоланади.

Дьёкереш ва “Спортинг” ўртасидаги муносабатлар бузилганини таъкидлаш лозим. Лиссабонликлар футболчини имкон қадар қимматга сотмоқчи ва бир неча бор трансфер таклифларини рад этди.

Викторнинг ўзи агар клуб ҳужумчини қўйиб юбориш тўғрисидаги ваъдасини бажармаса, “Спортинг” учун бошқа ўйнамаслигини уқтирди.

Айни пайтда “Арсенал” мутасаддилари “Спортинг” раҳбарияти билан трансфер суммаси бўйича келишувга эришишга ҳаракат қиляпти.