Месси ОЧЛ чемпиони билан музокаралар ўтказмоқда

Саудия Арабистонининг "Ал-Аҳли" клуби аргентиналик ҳужумчи Лионель Мессининг "Интер Майами" билан шартномаси якунига етгач, Леони ўз сафига қўшиб олмоқчи, деб хабар бермоқда L’Equipe нашри. Мессининг Америка клуби билан амалдаги шартномаси 2025 йилнинг 31 декабрига қадар мўлжалланган.

Манбага кўра, "Ал-Аҳли" раҳбарияти бир неча ҳафтадан бери аргентиналикни трансферга рози бўлишга кўндиришга ҳаракат қилмоқда. Музокараларнинг молиявий тафсилотлари ошкор этилмаган, бироқ 2034 йилда жаҳон чемпионатига мезбонлик қиладиган мамлакат Мессини ўз фойдасига танлов қилишга кўндириш учун қўлидан келган барча ишни қилмоқчи.

Аргентиналик футболчи АҚШ клубига ўтгунга қадар "Барселона" ва ПСЖ клубларида ўйнаган. Шунингдек, Лионель Аргентинанинг "Невелл Олд Бойс" клуби академияси тарбияланувчиси ҳисобланади.

Эслатиб ўтамиз, "Ал-Аҳли" якунига етган мавсумда Элит Осиё Чемпионлар лигаси ғолиби ҳисобланади.