"Интер Майами" Мессининг терма жамоадаги дўстини олиб келмоқчи

Родриго Де Пауль фаолиятини МЛСда давом эттириши мумкин. Бу ҳақида Фабрицио Романо хабар бермоқда.

Манба маълумотларига кўра, Лионель Месси тўп тепаётган "Интер Майами" клуби 31 ёшли ярим ҳимоячини трансфер қилиш бўйича "Атлетико" билан музокараларни бошлади.

Аргентиналик футболчининг испан клуби билан амалдаги шартномаси 2026 йил июнгача амал қилади. Хабар қилинишича, футболчининг ўзи Флорида клубига ўтишга рози.

Родриго 2021/22 йилги мавсумдан бери "Атлетико" сафида тўп тепиб келмоқда. У ўтган мавсум Ла Лигада 34 та ўйинда иштирок этиб, 3 та гол урди ва 5 та гол узатмани амалга оширди.