"Барселона" ҳужум чизиғига Николас Жексонни олиб келмоқчи

"Барселона" ҳужум чизиғида кўпроқ вариантларга эга бўлишни истамоқда. Клуб турли имкониятларни ўрганмоқда ва "кўк-анорранглилар" "Челси" форварди Николас Жексонга қизиқмоқда. 24 ёшли футболчининг лондонликлар сафидаги мавқеи Лиам Делап ва Жоао Педро трансферидан сўнг тушиб кетди. Бу Жексонни клубини ўзгартиришга ундаши мумкин.

Fichajes нашрининг хабар беришича, "Барселона" Жексонни ижарага олиши мумкин. Каталония клуби ҳужумчини кузатиб бормоқда, аммо ҳали музокараларни бошламаган, дея таъкидлайди манба.

Николас Жексон "Челси" сафида 81 та ўйинда майдонга тушиб, 30 та гол урган ва шерикларига 12 та голли узатмани амалга оширган.

Эслатиб ўтамиз, сенагаллик ҳужумчи "Челси" сафига "Вильярреал"дан келиб қўшилган эди.