"Ливерпуль"нинг собиқ футболчиси АПЛга қайтади

35 ёшли собиқ "Ливерпуль" сардори Жордан Хендерсон эркин агент сифатида "Брентфорд" сафига ўтади. Аввалроқ у "Аякс" билан 2026 йилгача тузилган шартномани икки томонлама бекор қилган эди.

"The Athletic" нашрининг хабарига кўра, Жордан Премьер-лигага қайтади. Унинг янги клуб билан шартномаси 2027 йилгача амал қилади.

Тиббий текширув ва ҳужжат ишлари шу дам олиш кунларида якунланиши кутилмоқда. Аммо трансфер расман фақат кейинги ҳафта эълон қилинади — бу "Ливерпуль" футболчиси Диогу Жота ва унинг укаси Андре Силванинг фожеали вафоти муносабати билан ҳурмат рамзи сифатида кечиктирилмоқда.

Маълумотларга кўра, "Брентфорд" Хендерсонни "Арсенал"га кўчиб ўтган Кристиан Нёргорнинг ўрнини босадиган асосий номзод сифатида кўрмоқда. Клуб Хендерсоннинг майдонда ҳам, унинг ташқарисида ҳам катта тажрибасини жуда юқори баҳоламоқда.