Месси "Барселона" либосида "Камп Ноу"да майдонга тушади

"Интер Майами"сардори Лионель Месси собиқ клуби "Барселона" либосида хайрлашув ўйинини ўтказади. Бу ҳақда Catalunya Ràdio хабар бермоқда

Манбага кўра, "Барселона" аллақачон Мессидан ушбу тадбирни ташкил этиш бўйича олдиндан розилик олган. Қайд этилишича, ўйин 2026/27 йилги мавсумда ўтказилади, ўшанда "кўк-анорранглилар" "Камп Ноу" реконструкциясини тўлиқ якунлайди.

Месси 2021 йилда "Барселона"ни тарк этган эди. Бунга сабаб, клуб молиявий муаммолар туфайли унинг янги шартномасини рўйхатдан ўтказа олмади.

Аргентиналик футболчи каталонияликлар сафида 778 та ўйинда 672 та гол ва 303 та голли узатмани амалга оширган.