Гьёкереш: "Мен Кейн, Левандовски ва Холанд даражасидаги ҳужумчиман"

"Спортинг" футболчиси Виктор Гьёкереш дунёнинг энг яхши ҳужумчилари Харри Кейн, Роберт Левандовски ва Эрлинг Холанд билан таққосланганига муносабат билдирди.

- Мен ҳам шуларданман. Ўзимни аниқ бир ўринга қўйиш қийин, лекин мен ҳам шу ҳужумчилар қаторидаман. Улар мендан кўра кучлироқ эканини исботлаган ажойиб ўйинчилар. Менинг вазифам ҳам ҳар мавсумда шундай планкани ушлаб туришга қодир эканлигимни кўрсатиш. Ишончим комилки, мен "Спортинг"да қилган ишларимни исталган жойда такрорлай оламан," - деди Гьёкереш L’Equipe нашрига.

Эслатиб ўтамиз, Виктор Гьёкереш ўтган мавсум "Спортинг" сафида 52 та ўйинда 54 та гол урган эди. Кўплаб нуфузли нашрлар 27 ёшли ҳужумчи "Арсенал"га ўтишга яқинлиги ҳақида хабарлар тарқатишмоқда.