Месси "Барселона" таклифини рад этиши мумкин. Бунга ким сабабчи?

Лионель Месси "Камп Ноу"нинг расмий очилиш маросимига бормасилиги мумкин.

Футболчи 2021 йилда "Барселона"ни тарк этишга мажбур бўлган эди. Ўша пайтда молиявий инқирозлар туфайли Каталония клуби аргентиналик футболчига янги шартнома таклиф қила олмаган.

Ўз она жамоасидан айрилиш Мессини чуқур ранжитди - шу вақтдан бери у "кўк-анорранглилар" президенти Жоан Лапорта билан бир марта ҳам суҳбатлашмаган. Миш-мишларга кўра, "Барселона" Мессини келаси ёзда янгиланган "Камп Ноу" стадионининг расмий очилишига таклиф этмоқчи.

"Marca" нашрининг хабар беришича Лео учун клуб билан муносиб тарзда хайрлашиши учун махсус ўйин ташкиллаштирилиши мумкин. Бироқ, ҳозирча Месси бундай таклифни олмаган. Бундан ташқари, саккиз карра "Олтин тўп" соҳибининг Лапорта билан совуқ муносабатлари Леони "Камп Ноу"га ташриф буюришга тўсқинлик қилиши мумкин.