Моуриньо "Тоттенхэм" ярим ҳимоячисини жамоасида кўрмоқчи

"Тоттенхэм"нинг таянч ярим ҳимоячиси Иву Биссума фаолиятини Туркияда давом эттириши мумкин. Бу ҳақда машҳур инсайдер Николо Скира маълум қилмоқда.

Манбанинг хабар беришича, "Фенербахче" аллақачон "шпорлар" билан 28 ёшли малилик футболчининг трансфери бўйича музокараларга киришган. Биссума жамоа бош мураббийи Жозе Моуриньонинг асосий нишонига айланган.

Ўтган мавсумда Биссума барча турнирларни ҳисобга олган ҳолда 44 та ўйинда иштирок этиб, иккита гол урган. Футболчининг "Тоттенхэм" билан амалдаги шартномаси 2026 йилнинг ёзигача мўлжалланган. Transfermarkt портали ярим ҳимоячини 25 миллион еврога баҳоламоқда.