Суперклуб 8 футболчини ҳайдамоқчи

Англия Премьер-лигасининг энг қудратли клубларидан ҳисобланган “Арсенал” янги мавсум бошлангунга қадар таркибида жиддий ўзгаришлар қилишни режалаштирмоқда.

Клуб спорт директори Андреа Берта бир неча ўйинчи билан хайрлашиш режасини амалга оширяпти. The Athletic нашрининг ёзишича, Берта ўтган мавсумда ижара асосида бошқа клублар шарафини ҳимоя қилган Фабиу Виейра, Рейсс Нельсон, Альберт Локонг, Карл Хейннинг агентларига агар бу футболчилар бўйича таклиф тушса, “канонирлар” уни кўриб чиқишини билдирган.

Шунингдек, “тўпчилар” сафини ички рақобатда жамоадошларидан ортда қолаётган Александр Зинченко ва Якуб Кивёр ҳам тарк этиши кутиляпти.

Клуб воз кечишга тайёр ўйинчилар рўйхатида қанот ҳужумчилари – Леандро Троссар ва Габриэль Мартинелли ҳам бор.