"Порту" "Ювентус"га футболчиларни ўзаро алмаштириш бўйича таклиф юборди

"Порту" "Ювентус"га ўнг қанот ҳимоячиларини алмаштириш бўйича таклиф киритди.

Журналист Фабрицио Романонинг хабар беришича, "аждар"лар 21 ёшли Алберто Коста билан шартнома тузмоқчи, ўз навбатида 25 ёшли Жоау Мариуни Италияга юборишга тайёр. Португалия клуби мазкур битим доирасида "Ювентус"га қўшимча 3 миллион евро тўлашга рози.

Transfermarkt сайтининг баҳолашича, ҳар икки футболчининг қиймати 10 миллион еврога тенг. Таъкидлаш жоизки, "Ювентус" Костани ярим йил олдин "Витория Гимараинш"дан деярли 14 миллион еврога сотиб олган эди. Алберто Костанинг шартномаси 2029 йилгача мўлжалланган бўлса, Мариунинг "Порту" билан амалдаги келишуви 2027 йилда якунланади.