"Ливерпуль" Франция чемпионатидан ҳужумчи олиб келмоқчи

Малик Фофана "Ливерпуль"нинг янги кучайтирувчиси бўлиши мумкин. Журналист Саша Таволиэрининг маълум қилишича, "Лион"нинг 20 ёшли қанот ҳужумчиси мерсисайдликлар томонидан Федерико Кьиезанинг ўрнига номзод сифатида кўрилмоқда.

Италиялик футболчи Англияни тарк этиб, фаолиятини ўз ватанида давом эттириши кутилмоқда. Манбага кўра, Фофаннинг инглиз клубига ўтиш эҳтимоли юқори баҳоланмоқда.

Ўтган мавсумда ҳужумчи "Лион" сафида барча мусобақаларда 41 та ўйинда майдонга тушиб, 11 та гол урди ва шерикларига 6 та голли узатмани амалга оширди. Унинг француз клуби билан шартномаси 2028 йилнинг ёзигача мўлжалланган. Transfermarkt маълумотига кўра, футболчининг бозор нархи 30 млн еврони ташкил этади.