Юрген Клопп Мухаммад Салоҳ билан ишлаган даврини эслади

"Ливерпуль"нинг собиқ бош мураббийи Юрген Клопп Мухаммад Салоҳ билан ишлаган даври ҳақида хотиралари билан ўртоқлашди.

Клоппнинг таъкидлашича, ҳар бир инсоннинг шаклланишида унинг ўтмиши, тарбияси ва қаерда ўсгани катта таъсир қилади.

"Мухаммад аввалданоқ бошқаларга нисбатан кўпроқ меҳнат қилиш кераклигини билган. У доим ривожланарди, ҳеч қачон тўхтаб қолмасди. Бу – унинг менталитети.

Ҳар бир таътилдан кейин у янги маҳорати билан қайтарди. Гўё бутун вақт давомида фақат битта турдаги узатмаларни машқ қилгандек.

Биз бир-биримизни ҳеч қачон тўхтамасликка ундардик ва чиндан ҳам тўхтамадик. Премьер-лигадаги ғалабадан кейин қўлимизга кубок кўтарган лаҳза — бу биз учун умрбод яқинлик ҳиссини берган он эди. Уни тарихдаги энг буюк футболчилардан бири сифатида эслашади.

Мен у билан ишлаш осон деб ҳам, қийин деб ҳам айтмайман. Салоҳ билан муаммо фақат иккита ҳолатда юзага келади: агар у ўйнамаса ёки уни алмаштиришса", — деди Клопп.