Венгернинг еврокубоклардаги юбилей ўйини омадсиз чиқди

Лондоннинг “Арсенал” клуби Европа лигасида ярим финалида “Атлетико”га 0:1 ҳисобида мағлуб бўлди ва турнирни тарк этди.

Ушбу ўйин “тўпчилар” устози Арсен Венгер учун еврокубоклардаги 250-ўйини бўлди. Бу борада франциялик мутахассис фақат сер Алекс Фергюсондан ортда бормоқда. Шотландиялик афсонавий мураббийнинг ҳисобида еврокубоклардаги 269 та ўйин бор.

“Зенит” ва “Шахтёр” собиқ устози Мирча Луческу ҳисобида эса 222 та ўйин мавжуд.