Бугун пойтахтимизда дзюдо бўйича ўсмирлар ва ёшлар ўртасида Осиё кубогининг биринчи кун беллашувлари ўз якунига етди. Ўсмирлар учун жорий йил ўз тоифаларида ўтадиган Олимпия ўйинлари йўлланмасига қимматли рейтинг очколарини тақдим қилувчи ушбу мусобақа вакилларимиз учун омадли бошланди. 

Регламентга кўра, биринчи кун доирасида 8 вазн тоифасида баҳслар кечган бўлса, шулардан 6 тасида ёш вакилларимиз шоҳсупанинг энг юқори поғонасига кўтарилишди. Йигитларимиздан Бобурмирзо Давлатов ва Зуфар Эргашев барча рақибларини мағлуб этишди. Қизларимиздан Кўҳинурбону Икромова, Юляна Максетбаева, Шукуржон Аминова ҳамда Нилуфар Эрмаганбетова ўз вазн тоифаларида олтин медалга сазовор бўлишди. 

Биринчи кундан сўнг умумжамоа ҳисобида Ўзбекистон терма жамоаси 6 та олтин, 5 та кумуш ва 6 та бронза медаллари билан умумжамоа ҳисобида биринчи ўринда боришмоқда. Иккинчи ва учинчи ўринларни Қозоғистон ҳамда Тожикистон терма жамоаси бўлишиб олган. 

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98