Artem Lobov: Xabib Makgregorga revansh imkoniyatini berishi kerak

Konor Makgregor jamoadagi jangchilardan biri Artem Lobov irlandiyalik sportchining UFC chempioni Xabib Nurmagomedov bilan revansh jang o‘tkazishga haqli ekanligini ta’kidlab o‘tgan.

– Buni kechiktirib bo‘lmaydigan revansh jang deb o‘ylayman, – deya Lobovning so‘zlarini keltiradi MMAJunkie nashri. – Konor sababli UFC ko‘p ishlab oldi. Xabib ham oldingilardan ko‘proq pul oldi. Shunday ekan nima uchun unga revansh imkoniyatini bermasligi kerak?

– Konor har doim janglarni qabul qiladi, garchi tez-tez raqiblarni almashtirsa ham. U bunga e’tibor bermaydi va shunchaki jangni oladi. Haqiqiy jangchi. Jangchilar jangchisi. Haqiqiy erkak. Shuning uchun unga bu jangni bering.

– Buning uchun yaxshi mashg‘ulotlar lageri kerak. Xabib – jiddiy raqib. Konor ko‘p xato qildi. Ularni to‘g‘rilash zarur.