Нурсултон Рўзибоевнинг навбатдаги рақиби маълум бўлди

Хабарингиз бор, аралаш яккакураш жанг санъатлари устаси Нурсултон Рўзибоев ўзининг навбатдаги жангини 14 апрел куни Қозоғистоннинг Чимкент шаҳрида ўтказади.

“ALASH PRIDE” Гран-при турнири доирасида у 77 кг вазн тоифасида қозоғистонлик Султан Киялов (3-1-0) билан куч синашади. Шунингдек, иккинчи ярим финал жуфтлигида қирғизистонлик Актилек Жумабек уулу ҳамда тожикистонлик енгилмас жангчи Артур Одилбеков ўзаро тўқнаш келишади. Мазкур жуфтликлар ғолиблари май ойида финал баҳсида учрашишади.

Нурсултон “Black” Рўзибоев айни дамда Гран-при фаворити сифатида эътироф этилмоқда. У ўтган йили 9 та жанг ўтказишди ва шулардан биттасида мағлуб бўлган. Қолган барча жангларни муддатидан олдин якунлашга муваффақ бўлди. Ҳозирда Нурсултон WMMAA (Корея 2016) ва “Жекпе жек” бўйича Осиё чемпиони, “Legion FC” камари соҳиби ҳисобланади.

Эслатиб ўтамиз, Нурсултон Рўзибоев айни дамда бўлажак жангга тайёргарликни Таиландда ўтказмоқда.

Фикрлар

Фикр қолдириш учун авторизациядан ўтинг!