Банашак "Пахтакор" тарихига кирди

Польшалик ҳужумчи Ўзбекистон чемпионатида "Пахтакор" учун тўп киритган йигирма олтинчи чет эллик ўйинчига айланди.

Шунингдек, у "шерлар" ва Суперлигада ўйнаган ҳамда тўп киритган биринчи польшаликка айланди. Эндиликда "Пахтакор" сафида гол урган легионер футболчилар сони 26 нафарга етди.

Улар 15 мамлакат фуқаролари саналади. Энг кўп гол урган хорижлик ўйинчилар Черногория ва Сербиядан ҳисобланади. Шунингдек, уч нафар Бразилия фуқаролари "Пахтакор" учун Ўзбекистон чемпионатида тўп киритишга эришган.

Энг кўп гол айни пайтда тошкентликлар шарафини ҳимоя қилаётган Драган Черан ҳисобига ёзилган. У 70 та тўп муаллифига айланган. Ихеруоме Уче ҳисобида 30 гол мавжуд. Гочгули Гочгулиев, Кахи Махарадзе ва Тиаго Безерра 20тадан ортиқ гол урган.

Манба: "Пахтакор" ПФК матбуот хизмати.