Ҳусановнинг дўсти “Сити”дан пул учун кетганини тан олди

Абдуқодир Ҳусановнинг 2025 йилнинг 20 январилда “Ланс”дан “Манчестер Сити”га ўтиши билан бошланган “шаҳарликлар” таркибидаги авлодлар алмашинуви жараёнида клубга ўндан зиёл янги ижрочилар олиб келинди.

Хусусан, Нидерландия терма жамоаси ярим ҳимоячиси Тижани Рейндерс ҳам ана шу трансфер сиёсати туфайли Ҳусановдан ярим йил кейин “Манчестер Сити”га таклиф этилди.

Фаолиятининг дастлабки қисмида Нидерландиянинг бир неча клубларида ўйнаган Рейндерс 2023 йили “Милан”га трансфер қилинган эди. Италия гранди 2025 йилнинг ёзида манчестерликларнинг таклифини қабул қилиб, қарийб 55 миллион евро эвазига Тижанини Англияга қўйиб юборди.

“Манчестер Сити” бу ярим ҳимоячини катта умид билан узоқ муддатга олган бўлса-да, амалда воқеалар ривожи бошқача кечди. Рейндерс “Манчестер Сити”да ўзини ёмон ҳис қилмаган ва барча мусобақалар доирасида 50 та учрашувда майдонга тушган бўлса-да, 28 ёшли нидерландиялик футболчи саудияликлар унга таклиф қилган катта маблағдан воз кеча олмади.

Охир-оқибат “шаҳарликлар” бир ой аввал тажрибали легионерини 61 миллион еврога Саудия Арабистонининг “Ал-Қодисия” клубига сотиб юборишига тўғри келди. 

Яқинда Тижани Рейндерс Саудия Арабистонига фақат пул сабабли кўчиб ўтганини тан олди.

- Фаолиятим якунланганидан кейин бошқа ишлашни хоҳламайман. Албатта, “Манчестер Сити” билан шартномамдан кейин ҳам, эҳтимол, ишлашимга тўғри келмас эди. Аммо бу трансфер менга оиламнинг кейинги авлодлари келажагини таъминлаш имконини беради. Бу ҳақда ёлғон гапирмоқчи эмасман.

Бу шартномани имзолаб, ҳатто невараларим ҳам молиявий жиҳатдан таъминланган бўлишига ишонч ҳосил қилишим мумкин. Нега бундай имкониятдан фойдаланмаслигим керак?

Мен худди шундай йўл тутганларни айблай олмайман. Шунча миқдорда пул таклиф қилинганда, “йўқ” деб кўришнинг ўзи кифоя.

Ҳар ким ўзини жуда юксак ахлоқий нуқтаи назарда деб ҳисоблаб, “Мен ҳеч қачон бундай қилмаган бўлардим”, дейиши мумкин. Аммо ишончим комилки, аксарият одамлар бундай таклифга рози бўларди. Умуман олганда ҳам, кўпчилик ўз иш жойида маоши оширилишини қабул қилади.

Албатта, “Манчестер Сити”да яхши пул топардим. Аммо бу ерда гап рад этиш деярли имконсиз бўлган бошқа даражадаги маблағ ҳақида кетмоқда, - деди Тижани Рейндерс.

Ўзбекистон – Эрон ўйинига башорат: Ким ютади?