Жаҳон чемпионлиги учун бўлган тарихдаги энг узун баҳс ҳақида билармидингиз?

Бундан тўрт йил аввал, 2021 йил 3 декабрь куни, Жаҳон Чемпионлиги учун бўлган машҳур баҳснинг олтинчи партияси бўлиб ўтган эди. Бу ўйин  Жаҳон чемпионлиги баҳслари тарихидаги энг узун натижали партия бўлган.

Норвегиялик Магнус Карлсен ва россиялик Ян Непомнящий ўртасидаги баҳс 7 соат 45 дақиқа давом этган ҳамда 136 юришдан иборат бўлган.

Баҳс узун давом этганидан ташқари, сўнгги беш йил ичида (2016 йил 24 ноябрдан буён) жаҳон чемпионлиги дуэлларидаги биринчи натижали партия бўлган ва Магнуснинг ғалабаси билан якунланган эди.

Шу ўйиндан сўнг Карлсен бешинчи бор Жаҳон шахмат тожини қўлга киритган эди.