Nemis go‘zali eng mashhur tennischiga aylandi

 

Ayollar tennis uyushmasi - WTA 2016 yil yakunlari bo‘yicha eng mashhur tennischilar nomini e’lon qildi.

 

G‘olib nomi ushbu tennis tashkilotining rasmiy saytidagi sportchilar sahifasiga kirish va so‘rov miqdorlariga qarab aniqlandi. Unga ko‘ra, germaniyalik Anjelika Kerber yakunlanayotgan yilning eng mashhur tennischi nommiga sazovor bo‘ldi.

 

2016 yilgi mavsum Kerber uchun omadli keldi. U dunyoning eng nufuzli to‘rt turnirini jamlagan "Katta Dubulg‘a" turkumidagi Avstraliya va AQSh ochiq chempionatlarida bosh sovrinni qo‘lga kiritdi, "Uimbldon-2016"da finalchi bo‘li va Rio Olimpiadasida kumush medalga ega chiqdi.

 

Eng mashhur tennischilar ro‘yxatida ikkinchi o‘rin amerikalik Serena Uilyams, uchinchi pog‘ona ruminiyalik Simona Xalepga nasib etdi.