Ўзбек теннисчиси финалда ўйнайди
Ҳиндистонда қизлар ўртасида ташкил этилган халқаро теннис турнирининг жуфтлик беллашувларида ҳамюртимиз Ясмина Каримжонова бош соврин учун ўйнайдиган бўлди.
Мусобақада мезбонлар вакиласи Махак Жаин билан ҳамкорликда иккинчи рақамли дуэтни ташкил қилган Ясмина Каримжонова дастлабки икки баҳсда ҳиндистонлик Сатвика Сама ва Шивани Сваруп Инглени 6:2, 6:1, ҳиндистонлик Мускан Гупта ва индонезиялик Приска Маделин Нугрохони 6:2, 6:1 ҳисобида енгди.
Ясмина Каримжонова ва Махак Жаик финал йўлланмаси учун беллашувда таиландлик Маи Напат Нуриндорн ва ҳиндистонлик Аканкша Бхангга қарши кортга чиқди. Унда ҳамюртимиз ўз шериги билан 6:3, 6:4 ҳисобида зафар қучди.
Бу жуфтлик финалда таиландлик Мананчая Савангкаев ва Хитой Тайпейи теннисчиси Куан Йи Либилан рақобатлашади.
Фикрлар