1 очкодан бўлишиб олган "Челси" ва "Астон Вилла" 2 поғона юқорилади

АПЛда "boxing day"га старт берилди. 16-турнинг дастлабки учрашувида "Астон Вилла" "Челси" майдонига сафар қилди. Тенг курашлар остида кечган баҳс 1:1 ҳисобидаги дуранг билан якунланди.

Дастлаб, 34-дақиқада Оливье Жиру ҳисобни очди. Чап қанотдан рейд уюштирган Чилуэлл томонидан жарима майдонига етказиб берилган тўпни франциялик ҳужумчи дарвозага киритди. Бу голга бирмингемликлар иккинчи бўлим бошида жавоб қайтара олди. Эл-Газининг яқин масофадан берган зарбаси Менди оёқлари орасидан ўтиб, дарвоза тўридан жой олди.

1 очкодан бўлишиб олган жамоалар онлайн турнир жадвалида 26 тадан очко тўплаган ҳолда, бешинчи ва олтинчи ўринларни эгаллаб турибди.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'
  

  "Астон Вилла"да бурчак зарбаси юзага келди. Жарима майдонига оширилган тўпни Менди эгаллаб олди.

• 90+3'

  Чилуэлл барчасига нуқта қўйиши мумкин эди. Бироқ унинг зарбаси устун ёнгинасидан ўтиб кетди.

• 90+2'

  Ўйин сўнгида меҳмонларда стандарт юзага келди. Бироқ улар бу вазиятдан наф чиқара олмади.

• 90'
  

  Ўйиннинг асосий вақтига 4 дақиқа қўшиб берилди.

• 89'

  Пулишичнинг жарима майдонига оширган тўпини яна ҳимоячилар узоқлаштирди.

• 87'
  

  Траоре ўрнига Дэвис ўйинга қўшилди.

• 85'

  Сўнгги дақиқаларда "аристократлар" темпни яхшигина оширишга эришди. Энди меҳмонлар қарши ҳужум ҳақида ўйлаяпти.

• 83'

  Тимо Вернер қулай имкониятни кўкка совурди. Унинг зарбаси ноаниқ кетди.

• 81'
  

  Эль-Гази ўз ўрнини Рэмзига бўшатиб берди.

• 80'

  Дарвоза томон берилган навбатдаги зарбани Конса тўхтатиб қолди.

• 79'
  

  Пулишичнинг кучли зарбасини Эмилиано Мартинес катта қийинчилик эвазига қайтарди.

• 77'

  Жарима майдонига кирган Чилуэлл икки рақиб қаршисида тўп йўқотди.

• 76'

  Қулай позициядаги шерикларини тўп билан таъминлай олмаган Грилиш жамоасининг хавфли тус олиши мумкин бўлган ҳужумини барбод қилди.

• 74'
  

  Карточкалар бироз кўпайиб кетди. Бу сафар МакГинни йиқитган Канте сариқ карточкага лойиқ кўрилди.

• 72'
  

  Оливьер Жиру ўз ўрнини Тимо Вернерга бўшатиб берди.

• 71'
  

  Жиру ва Эль-Гази ўзаро тортишиб кетди. Ҳакам вазиятнинг ҳар икки "қаҳрамони"ни огоҳлантирди.

• 69'
  

  Хадсон-Одоининг узоқ бурчакка йўллаган зарбасини Мартинес бартараф этди.

• 68'

  МакГиннинг узоқ масофадан берган "пушка" зарбаси дарвоза тўсинига тегди.

• 66'
  

  "Челси"нинг голи офсайд туфайли игобатга олинмади. Пулишич ўйиндан ташқари ҳолатда қолиб кетган эди.

• 64'

  Маунтнинг жарима майдони ичидан берган узатмасини ҳимоячилар қайтарди.

• 61'

  Ўйин ҳар икки жамоанинг фаол ҳужумлари остида давом этмоқда. Ғалаба учун отни тезроқ қамчилаш зарур.

• 59'
  

  Канте бу сафар қулайроқ позициядан зарба берди. Тўпни Мартинес ушлаб олди.

• 58'

  Узоқ масофадан ўз омадини синаб кўрган Канте мўлжалда адашди.

• 55'

  Аспиликуэта катта тажрибаси эвазига қарши ҳужумга ўтаётган Грилишни зарарсизлантирди.

• 53'

  Марказга оширилган тўпга мезбонлардан ҳеч ким ета олмади.

• 51'
  

  Андрес Кристенсенга тиббий ёрдам кўрсатилди.

• 50'
  

  ГООООООООООЛЛЛЛЛЛЛЛ! "Астон Вилла" ҳисобни тенглаштирди!

  Жарима майдонига оширилган тўпни Эль-Гази дарвозага йўллади. Тўп дарвозабон оёқлари орасидан ўтиб, дарвоза тўридан жой олди.

• 48'

  Чилуэллнинг навбатдаги узатмасини Таргетт узоқлаштирди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+1'
  

  Рақибини қоида бузиш эвазига тўхтатган Аспиликуэта жазоланди.

• 45'
  

  Биринчи бўлимга 2 дақиқа вақт қўшиб берилди.

• 43'

  Чилуэллнинг жарима майдонига оширган тўпини ҳимоячилар майдон ташқарисига чиқариб юборди.

• 41'

  Ўйин кескин курашлар билан давом этмоқда. Майдоннинг ҳар бир қаричи учун кураш кечяпти.

• 39'

  Икки рақибини алдаб, жарима майдонига ёриб кирган Маунт кучли зарба берди. Бироқ зарбага аниқлик етишмади.

• 38'

  Қанотдан оширилган тўпни Мартинес ушлаб олди.

• 36'

  Ҳимоявий ўйин кўрсатган "Челси" даража намойиш этди ва қарши ҳужумдан унумли фойдаланди. Энди улар тўпга эгалик қиляпти.

• 34'
  

  ГООООООООООЛЛЛЛЛЛЛЛ! "Челси" ҳисобни очди!

  Чилуэллнинг жарима майдонига узатган тўпини Жиру дарвозага киритди.

• 32'

  Пулишичга бироз омад етишмади. Кристиан тахминан 2 метр масофадан аниқ зарба бера олмади.

• 30'

  Мэтти Кэшнинг яқин масофадан берган зарбаси ноаниқ кетди.

• 28'

  Лэмпард шогирдлари рақиб дарвозаси қаршисида хавф туғдирмай қўйди. Устунлик "Астон Вилла" томонида.

• 26'

  Жарима майдонига оширилган тўпга Хаус бош билан зарба йўллади. Тўп тўсин юқорисидан ўтиб кетди.

• 25'

  МакГинга нисбатан Канте қоида бузди. Меҳмонларда яхши стандарт.

• 23'
  

  Мэтти Кэшга тиббий ёрдам кўрсатилди.

• 21'

  "Қайчи" услубида зарба беришга ҳаракат қилган Пулишич рақибига зарба бериб юборди.

• 20'

  Уоткинснинг узоқ масофадан берган зарбаси ноаниқ кетди.

• 19'

  Траоренинг зарбаси йўлига ҳимоячилар блок қўйишни уддалади.

• 17'

  Назорат қисман "Астон Вилла" томонда. "Челси" футболчилари қарши ҳужумда ўз омадини синаб кўрмоқда.

• 15'

  Шериги оширган тўпга Хадсон-Одои ета олмади.

• 14'
  

  Грилиш бурчакдан узатма амалга оширди. Менди тўпга эга чиқди.

• 12'

  Меҳмонларнинг ҳимоядаги қўпол хатоси голга олиб келишига бир баҳя қолди. Аммо рақибидан тўпни олиб қўйган Пулишич аниқ зарба бера олмади.

• 9'

  "Аристократлар" тўп назоратини қўлга олишга ҳаракат қиляпти.

• 7'
  

  Қарши ҳужумга ўтган бирмингемликлар сардори Грилишнинг аниқ зарбасини Менди қайтарди.

• 6'
  

  Бурчакдан етказиб берилган тўпни Рюдигер дарвозага йўллади. Дарвозабон ўз ўрнида.

• 5'
  

  Маунтнинг саъй-ҳаракатлари жамоасига бурчак зарбаси олиб келди.

• 3'

  Меҳмонлар илк дақиқалардан эрта прессинг уюштирмоқда.

• 1'
  

  Ўйин бошланди!

• 0'

  Сардорлар ўйинни ким бошлашига ойдинлик киритиб олди. Старт учун барчаси тайёр!

• 0'

  Футболчилар майдонга тушиб келмоқда. Ўйин бир неча дақиқа ичида старт олади