120 млнлик форвард гол уришни эсдан чиқариб қўймоқда
"Барселона" форварди Антуан Гризманн Каталония клубига мослашув жараёни қийин кечмоқда.
Франциялик футболчи Ла Лига баҳслари доирасида 7 учрашувдан буён гол ура олмаяпти - бу Гризманн учун сўнгги тўрт йил ичидаги энг узун голсиз юриш сифатида қайд этилди. Opta нашри маълумотига кўра, ҳужумчи 2016 йил октябрь-декабрь ойларида қаторасига тўққиз ўйинни голсиз ўтказган.
Жорий мавсумда Гризманн Испания чемпионатида 30 ўйинда майдонга тушиб, саккизта гол киритган. У сўнгги маротаба 15 фервалда "Хетафе"га қарши ўйинда ўз номига гол ёзиб қўйган эди.
Эслатиб ўтамиз, Гризманн "Барселона"га 2019 йил ёзида "Атлетико"дан 120 миллион еврога кўчиб ўтган эди.
Фикрлар