19 ёшли ҳужумчи Бундеслигада рекорд ўрнатди

"Айнтрахт"нинг 19 ёшли қанот ҳужумчиси Жан-Маттео Баойя Бундеслиганинг 26-турида "Бохум"га қарши ўтказилган ўйинда (1:3) 37,16 км/соат тезлик билан турнир рекордини ўрнатди. Бу ҳақда Бундеслиганинг Х ижтимоий тармоғидаги расмий саҳифаси хабар берди.

Шу пайтгача Германия чемпионати тарихида бирорта ҳам футболчи 36,82 км/соатдан юқори тезликка эришмаган эди.

Ушбу учрашувда Баойя гол урди. У 32-дақиқада рақиб дарвозасини ишғол қилишга муваффақ бўлди.

Жорий мавсумда Баойя барча мусобақаларда жами 24 та ўйинда майдонга тушиб, 2 та гол урди ва 3 та голли узатмага муаллифлик қилди. Футболчининг клуб билан амалдаги шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг қиймати 7,5 миллион еврони ташкил этади.