2 нафар андижонлик каратэчи Осиё чемпионатига йўлланмани қўлга киритди

Жорий йилнинг 28-30 июнь кунлари пойтахтимизда кратэ бўйича "Toshkent open-2019" мусобақаси бўлиб ўтди. Унда Андижон вилояти спортнинг якка кураш турларига ихтисослаштирилган болалар-ўсмирлар спорт мактабидан 15 дан ортиқ спортчи иштирок этди.

Мусобақа якунларига кўра Андижон вилоятидан ташриф буюрган каратэчилар жами 10та - 3та олтин, 2та кумуш ва 5та бронза медалларига эга чиқишди.

Аниқроғи, Жавоҳир Абдусаттаров, Ўғилой Нўмонова ҳамда Моҳларойим Ҳакимжоновалар ўз вазн тоифаларида мутлоқ ғолибликни қўлга киритишди. Комилжон Зокиров ва Муслима Каримжонова 2-ўринни, Асилбек Мадаминов, Умарали Одилов, Улуғбек Орифжонов, Сарвиноз Жалолиддинова, Иродахон Акбаровалар эса фахрли 3-ўринни эгаллашди.

Эътиборлиси, мусобақа ғолибига айланган Жавоҳир Абдусаттаров ва Моҳларойим Хакимжоновалар жорий йилнинг июль ойида Тошкент шаҳрида бўлиб ўтадиган Осиё чемпионатида иштирок этиш йўлланмасини қўлга киритишди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию