21 ёшли россиялик футболчи АПЛ грандларини қизиқтириб қўйди
Ads

Москванинг ЦСКА клуби форварди Фёдор Чалов Англия премьер-лигаси грандларининг эътиборига тушди. Бу ҳақда The Mirror нашри хабар тарқатмоқда.

Юқоридаги манбаага кўра 21 ёшли россиялик футболчининг хизматларига "Манчестер Сити", "Ливерпуль", "Тоттенхэм", "Арсенал" ва "Манчестер Юнайтед" клублари жиддий қизиқиб қолишган.

Маълумотларга қараганда Чаловнинг трансфери ушбу жамоаларга 22,3 млн еврога тушиши мумкин.

Эслатиб ўтамиз, Фёдор ўтган мавсум ЦСКА сафида 37та ўйинда майдонга тушди ва 17та гол ҳамда 7та голли узатмага муаллифлик қилди. Унинг айни дамдаги трансфер нархи эса 16 млн еврога баҳоланмоқда.

Бундан аввалроқ унга "Севилья", "Монако", "Валенсия" ва "Лацио" клублари ҳам қизиқаётгани ҳақида хабарлар тарқалган эди.