3:3, 0:3 yoxud "Bobur arena"da yana gollar shousini ko‘ramizmi?

Superliganing 24-turini yakunlab beruvchi o‘yin Andijonda bo‘lib o‘tadi. “Bobur arena”da “Andijon” klubi Navoiyning “Qizilqum” jamoasini qabul qiladi.

“Andijon” va “Qizilqum” klublari shu yilning o‘zida bunga qadar ikki marta to‘qnash kelishdi.

Superliga, 11-tur.

15 iyun.

“Qizilqum” – “Andijon” – 3:3

Gollar: Akaki Shulayya, 3 – 1:0. Elguja Lobjanidze, 41 – 2:0. Rustam Turdimurodov, 44 – 2:1. Rustam Turdimurodov, 78 – 2:2. Akaki Shulayya, 90+3 - 3:2. Levan Arveladze, 90+8 – 3:3.

O‘zbekiston Kubogi. Chorak final

7 avgust

“Qizilqum” – “Andijon” – 0:3.

Gollar: Shaxrom Samiev, 32 – 0:1. Farhod Sohibjonov, 50 – 0:2. Abdulvohid G‘ulomov, 76 - 0:3.

Ko‘rib turganingizdek, “Andijon”ning shu yili “Qiziqum”ga qarshi ikkala uchrashuvi jangovar o‘tgan va “Burgutlar” 3 tadan gol urgan.

Mazkur klublar ishtirokidagi o‘yinlar tarixi 2000 yilga borib qadaladi. Jamoalarning ilk bellashuvi 2000 yilning 2 may kuni “Qizilqum” maydonida o‘tkazilgan va mezbonlarning 2:0 hisobidagi g‘alabasi bilan yakunlangan.

Umumiy hisobda “Andijon” hamda “Qizilqum” klublari O‘zbekiston chempionatida 39 ta o‘yin o‘tkazishdi, 10 noyabr kungi bahs esa 40-to‘qnashuv sifatida tarix zarvaraqlaridan joy oladi. “Burgutlar” raqibini 14 marta mag‘lub etgan. 7 ta bellashuvda kuchlar teng kelgan bo‘lsa, qolgan 18 ta o‘yinda “Qizilqum”ning qo‘li baland kelgan. To‘plar nisbati 52\62 navoiyliklar foydasiga.

Shuningdek, uchrashuv oldidan ikkala jamoada yo‘qotishlar mavjud. Sariq kartochkalari 4 taga etgani sababli “Andijon” himoyachisi Abdurahmon Komilov bahsni o‘tkazib yuboradi. “Qizilqum”da bunday yo‘qotishdan ikkita bor. Muhammadali G‘iyosov hamda gruziyalik legioner jamoa sardori Giorgi Kuxianidze bu turda jamoasiga yordam bera olmaydi.

Eslatib o‘tamiz, “Andijon” – “Qizilqum” bellashuvi 10 noyabr kuni “Bobur arena”da soat 17:00 da boshlanadi.