34 ёшли ди Мария гранд клуб билан музокара ўтказди

Туриннинг “Ювентус” клуби етакчилари аргентиналик тажрибали ярим ҳимоячи Анхель ди Мария билан илк музокараларни ўтказди.

Таниқли инсайдер ва журналист Фабрицио Романонинг ёзишича, А Серия гранди вакиллари ёзда эркин агентга айланадиган 34 ёшли аргентиналик футболчи билан музокара олиб боришган.

Эслатиб ўтамиз, ди Мария хизматларига “Барселона” ва “Бенфика” клублари ҳам қизиқиш билдирмоқда.

Анхель ди Мария жорий мавсум ПСЖ сафида Франция чемпионатида 22 та ўйин ўтказиб, 3 та гол урди ва 5 та голли узатмани амалга оширди. Унинг парижликлар билан амалдаги шартномаси шу ёз ўз ниҳоясига етади.